Andecha Astur entama una xornada de formación y alderique

|

Destinada a militantes y simpatizantes, va celebrase en Xixón cola participación d'Amable Concha y Xuan Nel Gonzali.

La xornada va desendolcase n'horariu de mañana y tarde nel llocal d'Andecha Astur y va tener calter participativu, con protagonismu pa los asistentes, estableciéndose espacios propios pal alderique y la valoración de la situación d'anguaño y la llinia política a siguir. El programa va abrilu l'abogáu Amable Concha a les 10.30 hores, que va falar de la Llei de Patrimoniu nueva y de les sos repercusiones a efeutos práuticos, cola fin de valorar les posibilidaes qu'ufierta a l'actuación política.

Darréu va tener llugar un alderique al rodiu de les dinámiques de participación interna y mecanismos de potenciación del movimientu soberanista n'Asturies que va zarrar l'actividá matutina. Yá de tarde, a les 16.30 hores, Xuan Nel Gonzali, espertu en comunicación en redes sociales, propondrá dinámiques d'actuación concretes nesti campu, pa siguir con un alderique sobre medios de comunicación n'Asturies, siguiendo la mesma dinámica del celrbáu pela mañana. Una espicha va servir pa poner el ramu a esta xornada entamada pola formación nacionalista.

 

Contador Estadistiques