Andecha Astur participó nel Alkartasun Eguna

|

Zarautz acoyó'l domingu l'Alkartasun Eguna, xornada na que participó una delegación d'Andecha Astur. El secretariu xeneral Arturu Xosé Bermeyu intervinó nel actu políticu.

"L'Estáu español enxamás nun foi tan feble y tan fracasáu comu proyeutu políticu, y en toda Europa aliéndense aires nuevos de llibertá pa los pueblos", apuntó nel so saludu a los participantes tres destacar que "tamos viviendo nunos momentos especialmente interesantes pa los pueblos que tamos en llucha pola nuesa soberanía y atalantamos que caún col so propiu ritmu y dinámica tenemos que xunir los nuesos esfuercios y voluntaes nesi oxetivu". Andecha Astur foi una de les organizaciones convidaes por Eusko Alkartasuna pa esta xornada festiva del partíu, a la que tamién unviaron representación el Partido Andalucista, Esquerra Republicana de Catalunya (ERC), Bloque Nacionalista Galego (BNG), Chunta Aragonesista y Compromís.

 

Contador Estadistiques