Ana González supera a Tuero nes primaries socialistes de Xixón
|
30 Ochobre, 2018 por Redacción
- Inicie sesión o rexístrese pa espublizar comentarios
La ex conseyera d'Educación y Cultura va ser la candidata del PSOE a l'alcaldía.
Por una diferencia de 19 votos sobre 836 superó Ana González a José Ramón Tuero na segunda vuelta de les primaries socialistes pa escoyer el candidatu a l'alcaldía del PSOE nes eleiciones de mayu. Tamién fora la que más apoyos recoyó na primer vuelta, onde Constantino Vaquero quedó fuera de la carrera.
El direutor xeneral de Deportes sumó 402 sofitos, por 421 de González, con 14 votos en blancu y dos nulos. El total de militantes llamaos el domingu a les urnes yera de 1.222, lo que supón una participación del 70 por cientu.
Roceana cola oficialidá
La yá candidata foi una de les persones que buscó valtar l’apoyu del congresu de la FSA a la oficialidá al traviés d'una "enmienda trampa". Finalmente’l 82 por cientu del plenariu sofitó una resolución histórica pola que los socialistes apostaben per primer vegada pola equiparación de derechos ente los falantes d’asturianu y castellanu n’Asturies.
Efrén d'Andrés
Lo + visto de la selmana
