Ambás lleva al Manglar novedaes del so archivu nuna charra-conciertu

El músicu y investigador va centrase nos diez años últimos de trabayu de recopilación.

'Novedaes na recopilación de música tradicional del archivu de la tradición oral d'Ambás' ye'l nome de l'actividá que programa pa mañana'l Manglar. Va consistir nuna charra-conciertu protagonizada pol propiu Xosé Antón Fernández 'Ambás' basada nos últimos materiales qu'incorporó a l'ayalga que supón esti archivu al que tamién contribúi Ramsés Ilesies.

"Podía pensase qu'estos caberos venti años la tradición taba escosa y pocos materiales novedosos podien apaicer pero fonon años d'ayalgues mui interesantes de la nuesa cultura y tamos bien arguyosos d'esti trabayu que sigue vivu", apunten. La cita ye mañana a les 19.30 hores nesti chigre cultural uvieín asitiáu na cai Martínez Vigil, númberu 14.