Álvarez-Mesa lleva'l III Certame de Poesía Santa Rita de Cardosu

|

L'autora d'Arnáu presentó'l poemariu 'Resgando bastios' al concursu recuperáu pola Asociación Cultural La Volandina.

Álvaro Ruiz de la Peña, ún de los creadores del Certame de Poesía Santa Rita nel añu 1994, Ramón Alzola y Alfonso Fanjul conformaron el xuráu del gallardón, que na so estaya n'asturianu foi pa Yose Álvarez-Mesa por 'Resgando bastios', presentáu baxo'l nomatu de 'Cocu de lluz'. La escritora lleva una recompensa de 400 euros y la espublización del poemariu.

En castellanu, pela so parte el primer premiu foi pal gaditanu Manuel Amaya con 'Carissa', otorgando'l xuráu tamién dos accésits: a 'Sin fe' y 'Los ojos encendidos', de los madrilanos Abilio Díez Martínez y Alberto de Frutos, de manera respeutiva. La entrega de premios y la llectura de los poemes seleicionaos va celebrase'l 19 d'agostu coincidiendo cola celebración popular nel prau de la capiella.

Contador Estadistiques