Álvarez Llano recibió'l premiu del concursu de microrrellatos L'Horru del Carbayedo

Inaciu Galán llevo'l segundu premiu d'esti certame entamáu pola asociación vecinal avilesina, que cumple diez ediciones.

La obra 'Billete d'ida y vuelta', firmada col nomatu de Sirius, foi pal xuráu del X Concursu de Microrrellatos n'Asturianu L'Horru del Carbayedo'l la meyor de toles presentaes. El so responsables yera Ánxel Álvarez Llano, natural de Boo, mentes que'l segundu premiu recayó nel periodista xixonés Inaciu Galán, que presentó 'L'enemigu' como Tuxa.

Dambos recoyeron ayeri los sos gallardones mientres el 'Llunes d'asturianía' de les fiestes de San Roque qu'entama l'Asociación de Vecinos El Hórreo del Carbayedo. Álvarez Llano recibió una recompensa de 500 euros y un troféu, mentes que Galán llevó 300 euros y una placa, nun actu previu a la representación de la obra 'Después de vieyos, gaiteros', de Garrapiellu.

El xuráu del gallardón nesa décima edición tuvo conformáu por Miguel Solís, biólogu, dibuxante, escritor y miembru de l’Academia de la Llingua Asturiana; Rafael Rodríguez Valdés, historiador, ensayista y responsable de la Casa de la Llingua de Corvera; y Antón Caamaño, primer doctor n’Artes Escéniques n’Asturies, direutor de la compañía teatral Nun Tris y actor. Actuó como secretaria Montserrat Machicado, filóloga, especialista en llingua asturiana y responsable de la Estaya de la Llingua d’Avilés.