Álvarez Areces y la Brigada Central de Salvamentu Mineru, medayes d'oru d'Asturies

|
Adrián Barbón, Rita Camblor y Enrique Fernández Rodríguez Conseyu de Gobiernu medayes d'Asturies

Cabrales va acoyer los actos oficiales de celebración pol Día de la Nación Asturiana.

El Conseyu de Gobiernu alcordó esta mañana conceder les medayes d'oru d'Asturies al ex presidente Vicente Alberto Álvarez Areces, a títulu póstumu, y a la Brigada Central de Salvamentu Mineru. La viuda del socialista, Soledad Saavedra, y los 18 integrantes de la brigada que se fixo popular a nivel estatal polos trabayos de rescate del cadabre del neñu Julen Roselló en Málaga a primeros d'añu, anque cuenta con una trayeutoria de más de cien años como cuerpu d'élite n'operaciones de llocalización y rescate, como bien destaca'l Gobiernu, van recibir esti gallardón nun actu al rodiu'l 8 de setiembre.

Asturies tamién va entregar trés medayes de plata. Éstes son pa la presidenta del Centru Superior d'Investigaciones Científiques (CSIC), Rosa Menéndez; la escultora María Jesús Rodríguez; y la Rede de Cases d'Acoyida d'Asturies.

Mentes, les celebraciones oficiales del Día de la Nación Asturiana van entamase esti añu en Cabrales. Al cayer de domingu y ser el llunes festivu, previsiblemente allargaránse de vienres a llunes.

Na semeya, el presidente Adrián Barbón y los conseyeros Rita Camblor y Enrique Fernández Rodríguez al comienzu de la xunta del Conseyu de Gobiernu.

Contador Estadistiques