Álvarez Areces tomó posesión del cargu de Presidente

Vicente Álvarez Areces tomó ayer na Xunta Xeneral posesión del so cargu como presidente d'Asturies. Nel so discursu conseñó que tien la intención d'emprincipiar la reforma del Estatutu d'Autnomía nesta llexislatura "dende'l consensu políticu, dende'l respetu total al marcu constitucional y en torno a los criterios qu'afité na intervención nel Debate d'Investidura". Ente les prioridades de gobiernu señaló "l'accesu al empléu y la vivienda y promover la formación y emancipación de los mozos" ufiertando una "mano tendida" al restu de partíos y axentes sociales, concluyendo que "va gobernar en coalición cola sociedá". Pela so parte IX-BA-LV amosó la so disconformidá col discrusu d'Areces, qu'en palabres del so portavoz Jesús Iglesias "busquen nun entusiasmar, y efectivamente, nun entusiasmaron". Areces afronta esta sétima llexislatura, la tercera col socialista de presidnete, con un gobienru en minoría al nun contar col sofitu de los sos anteriores socios de gobiernu, IX-BA-LV.