Alsa entra na globalización

La empresa asturiana de tresporte de viaxeros per carretera ta acabante de firmar un alcuerdu col xigante francés del sector Keolis pol que dambes empreses andecharán nel tresporte urbanu y de cercaníes en países europeos. Alsa, que nesti mundu globalizáu entovía ye una empresa familiar, tendrá'l 60% de la nueva sociedá colos franceses, controlando tamién parte del operador británicu Go Ahead y que supón p'ALSA, reforzada pol so control del mercáu español tres l'alquisición d'Enatcar la oportunidá de convertise nun de los mayores operadores europeos de tresportes, con presencia na carretera y tamién nel ferrocarril, que ta pa entamar un procesu de privatización nel que'l grupu dirixíu por Cosmen Adelaida suena como ún de los candidatos más fuertes na puya por facese coles llinies que se vayan privatizando.