Almodovar y los toros

La cartelera de cine llega esta selmana con polémica. Ello ye que l'asociación pa la protección de los animales diz que nel rodaxe de la película nueva d'Almodovar, Hable con ella, matáronse seyes toros, lo que va contra la lletra de la Llei de Protección Animal, qu'esclaria que siempre que se maten animales pa una película tien que ser de mentira. Yá hai una campaña na internet que col títulu No hable con ella eslica en que condiciones se fizo'l rodaxe.
Aparte de la película d'Almodovar, apurrimos un link bien prestosu pa los seguidores de la saga de la Guerra de les Galaxies. Ello ye que George Lucas ta acabante de pasar otru trailer del Episodiu II de la serie de ciencia ficción, l'últimu que se saque yá hasta la estrena del 17 de mayu. Como la páxina oficial de Lucas obliga a dase d'alta, ye más amañoso descargalu dende esti portal alemán.Si quies dir al cine, pues mirar la cartelera d'Asturies.com pa ver los horarios y de les películes y en que cine les ponen.