Almería 1 - Sporting 0

El Sporting pinchó'l sábadu n'Almería y perdió la racha que llevaba de siete partíos ensin perder nun partíu ramplón abondo y nel qu'un penalty que naide nun vio nun siendo l'arbitrio valió pa desequilibrar lo que bien pudo ser un empate. Con una camiseta de segunda equipación de rayes azules que nun casa mui bien cola tradición del Xixón, los de Maceda crearon más ocasiones que los andaluces, pero faltó-yos una migaya más d'aciertu, mientres que en defensa el bloque fizo otra vegada un trabayu curiosu. El penalty, a poco de dir pal descansu, vienu nun barullu nel aria nel que l'arbitrio apreció un derribu d'un xugador sportinguista a un almeriense, pero ello ye que nin los xugadores del Almería entendieron por qué pitaben la pena másima nuna xugada que tampoco nun tuvo nada especial. El porteru del Sporting Juanjo Valencia vio la intención del lanzadoralmeriense, pero faltáron-y centimetros p'atayar el balón.