Almítese a trámite la propuesta del BA sobre La Lladrona

La Mesa de la Cámara de la Xunta Xeneral del Principáu d’Asturies almitió a trámite la proposición non de llei presentada pol diputáu del Bloque por Asturies, pa que se nome Monumentu Natural a la islla La Lladrona.

La islla La Lladrona , que ta asitiada na mariña de Santa María del Mar, Castrillón, ye un llugar natural destacáu. “A los munchos valores naturales, paisaxísticos, hestóricos, arqueolóxicos, medioambientales, xeolóxicos,... que tien la isla, hai qu'añedir los aspeutos cultural y artísticu d'esti espaciu natural”, señalen dende’l BA.

Al almitise a trámite como proposición non de llei, el próximu pasu alministrativu parlamentariu va ser la so votación na Xunta de Portavoces pa incluyilo como puntu pal plenu de la Xunta Xeneral.