Alcuentru de Percusionistes y Gaiteros Asturianos y Gallegos d'América

La "Colectividad Asturiana de Santiago", "Lar Galego" y "Estadio Español de Las Condes" entamen una iniciativa que va xuntar músicos asturianos y gallegos en Santiago de Chile.

Nel mes d'avientu d'esti añu va facese el "I Alcuentru de Percusionistes y Gaiteros Asturianos y Gallegos d'América", nél los músicos van poder compartir conocimientos, impresiones, esperiencies y sobre too compartir la música que faen. A partir del día diez d'avientu habrá talleres sobre los instrumentos de cada país, sesiones d'ensayos pa que puedan tocar los instrumentistes xuntos, amás de dos conciertos na ciudá de Santiago de Chile. Los que queráis más información d'esti alcuentru podéis escribir a esta dirección encuentrodegaitas@asturias.clD'esta forma afítanse los llazos d'estes dos comunidaes n'América, amás de potenciar l'interés pola cultura d'orixe de los emigrantes asturianos y gallegos.