Alcuentru de Bandurrieros

Esti sábadu 25 de mayu celébrase una nueva edición del "Alcuentru de Bandurrieros" en Caliao (Casu). Esti Alcuentru organizalo l'asociación de folclor "La Quintana", qu'amás d'una escuela de música tradicional en Xixón, organiza delles actividaes durante tol añu, ente les que ta esti alcuentru.Ya van pa cinco les ediciones d'esti alcuentru que faese Caliao, llugar con abonda tradición alrodiu d'esti instrumentu. Como n'otres ocasiones, van participar bandurrieros y rabelistes de fuera d'Asturies, nesti casu sedrán dos de Cantabria, Carlos Fernández y Javier Morán de Reinosa. Por Asturies tará'l bandurrieru y organizador Daniel García de la Cuesta, anque dende la organización conviden a tolos aficionaos a esti instrumentu a participar. Les actividaes consisten nuna esposición sobre la bandurria nel salón de les escueles del pueblu y un conciertu nel mesmu sitiu a partir de les 18:00 hores. Amás, durante tol día habrá un mercáu tradicional astur peles cais del pueblu.