¿Alcayata o escarpia?

Na sección Bilordios Filolóxicos que lleva'l profesor Ramón d'Andrés entama esta selmana una riestra d'artículos dedicaos a facer comparances léxiques ente l'asturianu y el castellanu. Aparte del interés que tienen pa los llectores metíos pela filoloxía, estos artículos valen tamién pa que cualquiera pueda estremar l'apaición de castellanismos que van quedando na fala y tamién pa estremar les situaciones en que ye más correcto emplegar pallabres qu'esisten en dambos idiomes.