Alba González gana'l “XX Premio Xeira de Narracióis Curtias”

La franquina Alba González ganó la XX edición del ‘Premio Xeira de Narracióis Curtias’ col rellatu “Hiperhidrosis”. El xuráu destacó tamién la obra “Lo das Bodegúas” de Marial Amor Pérez.

Alba González Fernández nació en 1985 en Valdepares (El Franco) y ye llicenciada en Belles Artes y profesora de dibuxu. L’autora yá ganara en 2002 el premiu col rellatu “Dos tempos, os miyores”.

El xuráu formáu por Manuel García-Galano, Refael Cascudo Noceda, María José Fraga, José Manuel Martínez Castro y Xosé Miguel Suárez Fernández; dio por mayoría’l premiu a González. Sicasí, destacaron tamién la obra “Lo das Bodegúas” de Marcial Amor Pérez, natural de Froseira (Bual) pero emigráu a Madrid.

Venti años de premiaos
Esti premiu nació en 1991 y ente los premiaos nes postreres ediciones, tán nomes como Manolo Galano, Alejandro Antúñez, Jacinto Díaz, Fredo de Carbexe, Rafael Cascudo, Xaviel Vilareyo, María José Fraga, Aurora García Rivas, Alfredo de Ponticella, Marisa López Diz o Miguel Monteavaro.