Alarma en Llangréu por un fueu nel Pozu Maria Luisa

Un fueu na décima planta del pozu mineru María Luisa de Llangréu prendió güei toles alarmes na cuenca'l Nalón, peles que s'espardió una ñube de fumu contaminante que tomó SAma y Ciañu y qu'obligó a 60 persones a precisar d'atención sanitario. Según la empresa, el fueu prendió a les 7.30 hores na 10ª planta del pozu, asitiada a 550 metros. La empresa desconoz cuando va poder matar el fueu, anque ta llevantando tabiques pa cortá-y el pasu d'aire, mientres que'l Gobiernu asturianu ta repartiendo mázcares pa nun respirar la povisa y el polvu en suspensión del fumu.

Foron los miembros del primer relevu del pozu los que detectaron l'incendiu. Los mineros salieron del pozu ensin problemes, quedando la situación en manes de los operarios de la Brigada de Salvamentu Minero y d'efectivos de seguridá del Pozu María Luisa, inxertu na empresa estatal Hunosa.

L'accidente gran sonadía mediática, siendo portada nes ediciones dixitales de los periódicos de tirada estatal y nes grandes emisores de radio, y la mesma vicepresidenta primera del Gobiernu María Teresa Fernández de la Vega fexo declaraciones n'acabando'l Conseyu de Ministros. De la Vega dio los detalles del sucesu y esplicó que la situación "nun ye grave"