Al Gore, premiu Príncipe d’Asturies de Cooperación Internacional

L'ex-vicepresidente de los Estaos Uníos Al Gore ye'l Premiu Príncipe d'Asturies de Cooperación Internacional 2007. Gore ganó nes votaciones a la organización Intermón, l'Institutu Universitariu Européu, la Organización Meteorolóxica Mundial y al economista Nicholas Stern.

El papel de Gore de denuncia constante del fenómenu del cambéu climáticu qu'amenaza'l planeta foi l'argumentu pa da-y esti premiu al políticu americanu, según esplicó'l presidente del xuráu Leopldo Calvo Sotelo.

Al Gore (Washington 1948) foi vicepresidente de los EEUU nos dos mandatos de Bill Clinton y foi'l candidatu demócrata nes elecciones del 2000 que perdió contra'l candidatu republicanu George W.Bush. Dempués de perder les elecciones, Gore asoleyó una estaya pública nueva conmo defensor del mediu ambiente, presentando nel 2006 una película sobre'l cambéu climáticu "An inconvenient truth" que ganó l'oscar al meyor documental.