Agrosiero acueye'l VI Concursu Nacional de Gochu Asturcelta

|
Agrosiero acueye'l VI Concursu Nacional de Gochu Asturcelta

El recorte presupuestariu al certame por parte de la Conseyería de Desarrollu Rural y Recursos Naturales provoca una menor participación de ganaderies y exemplares.

En total van ser mediu centenar d'exemplares de cinco propietarios los que van tomar parte nel VI Concursu Nacional de Gochu Asturcelta que se celebra güei y mañana na Plaza Cubierta de La Pola Siero nel marcu d'Agrosiero. La menor participación va procovar un descensu de los premios en toles categoríes: Meyor Berrón, Mejor Gocha, Meyor Llabasca (fema menor de siete meses), Meyor Llabascu (Macho menor de siete meses), Mejor Rebañu, Meyor Gocha con Gochinos. Toes estes pruebes van desendolcase a la llargo d'esta xornada de magar les 10 hores.

Mañana, mentes, va celebrase'l II Nacional de Manexu del Gochu a partir del meudía. Esta prueba consiste en mostrar la habilidá de guía que posee el ganadero sobre l'animal al traviés d'un circuitu d'obstáculos.

Reconocimientu a Nacho Manzano y Daniel Berdasco

L'Asociación de Criadores del Gochu Asturcelta (ACGA), organizadora del Nacional en collaboración col Conceyu de Siero, entama delles actividaes paraleles al concursu. Asina, a les 17 hores de güei va dar protagonismu a la cocina cola ponencia 'Embutidos y salazones' na Plaza d'Abastos na que se va enseñar al públicu la forma d'embutir chorizos y morcielles, asina como a preparar un xamón pa salar. Mañana, a la mesma hora los cocineros mozos Borja Alcázar y Pablo Arbesú van cocinar platos diferentes col gochu asturcelta como ingrediente principal.

Pela mañana del domingu, mentes, tres la celebración del II Nacional de Manexu del Gochu, sobre les 13.30 hores, va celebrase la entrega del gallardón añal Amigos del Gochu, cola qu'ACGA reconoz a "aquelles persones o asociaciones qu'amuesen el so compromiso por Asturies y pol gochu asturcelta". Esti añu los premiaos son Nacho Manzano, cocinero y dos estrelles Michelin, "por incluyir al gochu asturcelta na so carta"; y a Daniel Berdasco, xerente de la empresa cárnica Benfer, "por donar casi 6.000€ nes dos puyes benéfiques qu'ACGA vien celebrando en Grau".

 

Contador Estadistiques