Agroganadería repoblará esti xueves la Ría de Villaviciosa con 100.000 unidaes d'amasuela

La Conseyería d'Agroganadería y Recursos Autóctonos, al traviés de la Dirección Rexonal de Pesca Marítima, va realizar esti xueves una repoblación d'amasuela na ría de Villaviciosa. En total, van semase 100.000 unidaes d'esti moluscu, con una talla de 10 a 12 milímetros, criaos nes instalaciones del Centru d'Esperimentación Pesquera, ubicáu en Castropol.