Agroganadería establez per primer vez un periodu de veda pal oriciu

|

Dende esti miércoles, y hasta’l 15 d’avientu, nun se podrán recoyer oricios na costa asturiana. La Conseyería d’Agroganadería y Recursos Autóctonos establez per primer vez un periodu de veda pa esti equinodermu.

D’esta forma, los oricios namái van poder recoyese en temporada, en concreto del 15 d’avientu al 15 d’abril del añu qu’entra. Esta decisión, consensuada pola conseyería con los coleutivos que se dedican al oriciu, débese al aumentu de la comercialización y esplotación d’esti animal, “lo que supunxo una mengua apreciable de la so población”, afirmen dende Agroganadería.

La veda del oriciu afeuta tanto a mariscadores profesionales como aficionaos, y con ella s’espera recuperar una especie de crecimientu sele, yá qu’estos equinodermos tarden entre trés y cuatro años n’algamar edá de reproducción.

 

Contador Estadistiques