Adrián Barbón: "Que los nietos d'Asturies nun escaezan nunca la llingua de los sos güelos"

El presidente d'Asturies recuerda la celebración del Día de les Lletres Asturianes.

Esti vienres, xornada na que debía de festexase'l XLI Día de les Lletres Asturianes, aplazada al 2 d'ochobre por mor de la crisis sanitaria pola pandemia de COVID-19, Adrián Barbón fixo referencia a esta fecha na so cuenta en Twitter. Poco enantes de les 13 hores espublizó un mensaxe nel que unvía "dende equí'l mio sofitu a la xente qu'ama la llingua de la nuesa tierra y trabaya por salvala y que creza".

El so tweet fina cola frase "que los nietos d'Asturies nun escaezan nunca la llingua de los sos güelos". L'añu pasáu Barbón acudió al Teatru Campoamor al actu de l'Academia de la Llingua Asturiana pol Día de les Lletres Asturianes como candidatu socialista a la presidencia, unes eleiciones que la FSA-PSOE ganó llevando nel programa la oficialidá.

Na semeya superior, Barbón ayeri en Presidencia.