Adolfo Camilo Díaz gana’l Montesín de Lliteratura Xuvenil 2010
|
24 Payares, 2010 por Redacción
- Inicie sesión o rexístrese pa espublizar comentarios
L’escritor ayerán Adolfo Camilo Díaz ganó’l Premiu Montesín de Lliteratura Xuvenil 2010, convocáu por Ediciones Trabe en collaboración cola Conseyería de Cultura, pola obra “Memorial de mostru”.
El xuráu, formáu por María Antonia Pedregal Montes, María Xosé Rodríguez López y Severino Antuña González, baxo la presidencia d’Esther Prieto Alonso y actuando como secretariu Inaciu Iglesias Fernández, decidió conceder por unanimidá’l premiu a la obra del escritor ayerán afincáu n’Avilés.
El xuráu destacó la estructura narrativa de Memorial de mostru, amás del bon conocimientu de l’Asturies del sieglu XVIII, dómina na que se desenrolla la historia. Con técnica mui cinematográfica, la narración va esgranando la llucha ente ciencia y superstición que se dio nel Sieglu de les Lluces, una centuria poco lliteraturizada na historia d’Asturies.
Efrén d'Andrés
