Actu lliterariu n’alcordanza del poeta Xosé A. García ‘Pin’

Esti xueves 21, a les 20 hores, na Casa de Cultura Teodoro Cuesta de Mieres.

Xosé Antonio García, Pin, nació nel añu 1961 y morrió, con 36 años, en 1997. Esa muerte temprana, xunida a una personalidá alloñada de los círculos lliterarios del momentu, llevó a que’l so nome cayera cásique nel olvidu nunos pocos años. Esti actu quier facer un averamientu a la vida y obra del escritor y poeta mierense, cuya obra ye una referencia pa la poesía asturiana.

Nel homenaxe van participar los escritores: Lourdes Álvarez, Humberto Gonzali, Xuan Carlos Castañón, Ana Vanessa Gutiérrez, Ismael González Arias, Laura Marcos, Ánxel Álvarez Llano y Faustino Zapico.

Entama l'asociación cultural Camín de Mieres.