Actu en protesta contra Caxastur

Esta mañana, miembros de l'agrupación política Andecha Astur fixeron un actu de protesta énte la sé central de Caxastur en Xixón na Plaza'l Carme dientro de la so campaña "¿CajAstur? ¡Ya ta bien!", na que se-y pide a la entidá financiera, la única del estáu que nun emplega la llingua del territoriu onde trabaya, que dea una presencia digna al asturianu, lo mesmo na so rellación colos clientes que na so imaxe pública, pa la que namás emplega'l castellanu. L'actu acabó con una quema de llibretes d'aforru de Caxastur en señal de protesta pol tratu discriminatoriu que gasta la caxa pa col asturianu. Pa saber más sobre esta campaña pue consultase'l web especial puestu por Andecha nel que s'esplica puntu per puntu lo que se-y pide a Caxastur.

Contador Estadistiques