Actu d'homenaxe a la Declaración de Soberanía del Conseyu d'Asturies y Lleón

Andecha Astur convoca pa esti sábadu 27 d'agostu un Actu d'Homenaxe al Conseyu Soberanu d'Asturies y Lleón.

Nel Puertu Tarna, a la 1 del meudía del sábadu 27 d'agostu, nel monolitu comemorativu de la Declaración de Soberanía, tendrá llugar el tradicional actu d’ homenaxe a la Declaración de Soberanía del Conseyu Soberanu  por parte d'Andecha Astur.

Con esti actu, Andecha Astur quier recordar la fecha  por mor de la "qu’Asturies s'independizó de la República Española, entamando un auténticu procesu revolucionariu y de reconocencia a nivel internacional que defendió heróicamente coles armes frente al exércitu franquista español y los sos alliaos alemanes".

La convocatoria, qu’añu ente añu vien calteniendo la formación nacionalista, supón "un compromisu  en defensa de la memoria hestoria asturiana como ferramienta imprescindible pa tresformar la rialidá". Dende Andencha Astur consideren que la defensa de la identidá nacional asturiana ye una necesidá frente a "los enfotos asimillacionistes de los partíos sucursalistes afincaos n'Asturies".

 Andecha Astur fai un llamamientu "al conxuntu de la sociedá asturiana a recuperar los valores que llevaron al Pueblu Asturianu a asumir les riendes del so propiu destín, y lo mesmo que fixeron los nuesos antepasaos, a enfotase en sofitar y costruyir alternatives propies empobinaes a algamar la recostruición nacional y social d'Asturies".

La reivindicación d'esti fechu hestóricu quieren enmarcalo dientro de una dinámica de recuperanza de la soberanía comu Pueblu y del drechu a "decidir llibre y democráticamente'l futuru ensin más llendes que les que voluntariamente querramos ponemos".