Actos nos 75 años de la II República

L'Atenéu Obreru de Xixón y la Sociedá Cultural Xixonesa tienen preparáu un programa d'actos n'alcordanza de la II República Española, de la que se faen anguaño los 75 años de la so creación.

Los actos van entamar el Día de la República 14 d'abril a les 12H.00 con una ufierta floral nel cementeriu d'El Sucu de Ciares - Xixón, mientres que'l día 18 d'abril el Centru de Cultura Antiguu Institutu va ser l'escenariu de la charra "La cuestión de la impunidad y los crímenes franquistas" a cargu deGregorio Dionis, presidente del Equipu NIZKOR. Esta charra va repetise n'Avilés al día dempués 19 d'abril a les 19H.00 nel Centru Social de L'Arbolón. El 25 d'abril a les 20H.00 los actos van siguir cola representación de la obra "les abarcas" de Miguel Hernández pol Equipu de Teatru La Máscara en Centru de Cultura Antiguu Institutu, mientres que pal 28 d'abril a les 20H.00 va pasase'l documental sobre les foses comunes de represaliaos de la Guerra Civil "Santa Cruz, por ejemplo" (2005) de Günter Schwaiger, un actu que va tener llugar en Centru Integráu de L'Arena