Actividaes pa tolos públicos n'axenda del fin de selmana

L'eclipse total de lluna que va asoceder esti sábadu va ser el
protagonista d'ún de los eventos mas destacaos pa esti fin de selmana.
Ello ye que'l Conceyu de Corvera organiza pa esti día la llamada
"Nueche llunática",
que va contar con una serie d'actividaes. D'esti mou, a les 22:00 h. el grupu
El ñeru de los coríos presenta na plaza Tomás y Valiente
de Les Vegues un espectáculu pasucais de teatru de malabares
entituláu "El dragón y la magia del agua y el fuego". A
les 23:00 h. "Observación telescópica del eclipse
lunar", pal que van asitiase dellos telescopios pa que tola
ciudadanía lo pueda acolumbrar y disfrutar. Y a les 24:00 h.
"Conciertu Llunáticu de jazz" a cargo del reconocíu
pianista y compositor rusu Simón Glikman y la so banda, nel teatru El
Llar de Corvera. Pa quien quiera más sentir músiques d'otru xeitu, na sala uvieina La Antigua Estación va tener dende les 20:00 a les bandes rock Alto Volto y Black Horde, mientres que en Llanes van actuar el grupu "Los Ronaldos" ente otres propuestes.

Yá'l domingu podemos disfrutar de la estrena en Teatru Xovellanos de
Xixón a les 20:30 hores de la obra
"Auto"
d'Ernesto Caballero. Esta pieza teatral ta interpretada poles televisives
Carmen Machi y Eva Santolaria -dambes foron protagonistes de les últimes
temporaes de la conocida serie "Siete vidas"-
acompañaes por Vicente Díez y Marisol Riolandi. Cuatro personaxes
aconceyen nun espaciu alegóricu pa intervenir nun xuiciu nel que
yá nun saben en calidá de que comparecen: si como acusaos o como
testigos. Al traviés de la conversación desconcertada y dispersa
que mantienen pa distraer la espera, van reconstruyendo y recordando les
circunstancies que los llevó ehí. Más actividaes pa esti
fin de selmana na nuesa axenda
d'ociu.