Actividaes de la Xunta pola Defensa de la Llingua

L'agrupación de Cangas del Narcea de la organización Xunta Pola Defensa de la Llingua Asturiana entama pa l selmana qu'entra, los díes martes 27 y miércoles 28 d'avientu un cursu intensivu d'asturianu occidental. Ello va ser en pueblu de Xedré, na Escuela Nueva, tando les clases a cargu del académicu de la Llingua Asturiana Roberto González Quevedo. L'horariu, entovía por concretar, va ser de martes mañana y tarde y miércoles en sesión de mañana.

Otramiente, y pa despidir l'añu, la organización cívica de defensa y reivindicación de la oficialidá y normalización del asturianu entama'l xueves 29 a partir de les 19.00h, una folixa en Mieres pa despidir l'añu 2005. Ello va ser na sidrería Fulgencio, contándose pa la cita coles actuaciones de los grupos musicales "La Bandina La Curuxa" del duu de tonada y gaita qu'igüen "Queipo y Llorián" y d'ún de los maestros de la tonada, el "Che" de Cabaños.