Actividá nos telecentros

N'Asturies funcionen más de 40 telecentros, unes instalaciones qu'afayen l'accesu a la internet de bien de llugares nos que les infraestructures de telecomunicaciones nun tan tolo desarrollaes que debieren. Pero amás de cubrir la falta d'accesu qu'hai,los telecentros tienen un llabor importante como centros onde se da formación y se desarrollen bien d'actividaesalredor de les nueves tecnoloxíes. Ente los telecentros que más trabayu tienen ta'l de Cuaña, nel occidente del país. Esti telecentru abrió l'otru añu y nos sos primeros 12 meses yá tuvo más de 13.000 visites de los sos 730 usuarios, que van al centru les más de les veces consultar los webs que mas-yos presten y escribise per corréu electrónicu con otra xente, pero tamién a facer trabayos pa la escuela o consultar ufiertes de trabayu. Dende la páxina de los
telecentros d'Asturies pues consultar les actividaes que s'entamen nel centru que te quede más cerca.