Aconceya'l xuráu del III Premiu Nel Amaro

Yá finó'l festival que permitió a miembros y públicu presenciar en direuto les representanciones de los finalistes.

Mientres los últimos cuatro vienres de payares, l'uvieín Teatru Filarmónica foi sede de les funciones del III Premiu y Festival Nel Amaro de Teatru Profesional en Llingua Asturiana o Gallego-asturiano. Esta tarde, el xuráu, baxo la presidencia del direutor xeneral de Política Llingüística, Antón García, va aconceyar dende les 17.30 hores na sede de la conseyería pa decidir el ganador, que va llevar una recompensa de 6.000 euros.

Los cuatro finalistes son les compañíes Ververemos, que presentó 'Muyeres inesperaes'; El Callejón del Gato, con 'Crecer'; Higiénico Papel Teatro, con 'Una casa'; y Factoría Norte, con 'Les rellaciones peligroses'. Higiénico Papel yá ganara la edición del añu pasáu con 'Hansel y Gretel'.