Abril da los sos últimos pasos con fríu y nieve

|
Alerta mariella 26 d'abril

Bien entrada la primavera, a les puertes de mayu, Asturies ta viviendo unes xornaes ivernales. Una masa d’aire polar entró’l martes nel país, acompañada d’agua, y va continuar el miércoles y el xueves, con alerta mariella por nieve nel cordal y Picos.

Esti avisu dau pola Axencia Estatal de Meteoroloxía (Aemet) va caltenese hasta les 20 hores d’esta tarde, con nevaes previstes a 600 metros d’altor y acumulaciones d’hasta 5 centímetros perriba los 900 metros. Pese a que’l Puertu Payares alboreció blancu, nun foi necesariu l’usu de cadenes y la circulación poles carreteres asturianes ta siendo normal.

La baxada de temperatures media nos díes últimos foi d’hasta 15 graos y s’espera que’l fríu se caltenga tamién mañana, al igual que les lluvies. El vienres, cuando empieza la ponte festiva del Día del Trabayador, el tiempu n’Asturies va ameyorar, con un ascensu de les temperatures y sol, tornando les nubes el sábadu y l'agua y un frenti fríu'l domingu.

Contador Estadistiques