Abre la retonda de Valbona que xune l'AS-17 cola autopista A-64

L'apertura va tener calter provisional hasta la entrega definitiva de les obres del parque empresarial que promueve Soxepsa.

A les 11 hores abrióse al tráficu la retonda central nueva que xunta la AS-17 y l'A-64, al altor de Valbona, nel conceyu de Siero. D'esta forma los vecinos de la zona podrán tener salida hacia l'autopista depués de que les obres interrumpieren el tráficu.

La construcción del enllaz de comunicación ente estes dos carreteres ta enmarcada nes obres d’urbanización de la primer fase del área industrial que promueve la Sociedá Mesta de Xestión y Promoción del Suelu, S. A. (Soxepsa) en Valbona, polo que l’apertura va tener calter provisional hasta que se produza la recepción definitiva de les obres del polígonu pol Conceyu de Siero. Calcúlase que los trabayos de la primer fase del proyeutu van finar en xunetu.