Abiertu’l plazu de presentación de candidatures pa les elecciones del 27-m

Ayeri miércoles abrióse'l plazu pa que los partíos políticos presenten les sos candidatures a las elecciones a conceyos y autonómiques del 27 de mayu, un plazu que va tar abiertu hasta'l llunes qu'entra a les doce de la nueche.

El Partíu Socialista foi'l primeru en posar en rexistru toles sos llistes electorales, mientres que los demás partíos van tomase dalgo más de tiempu pa pesllar toles sos llistes.

Ye'l casu del comité electoral del Partíu Popular, qu'aconceya esti vienres pa dar el preste a les candidaturas que tien pendientes. La coalición Izquierda Xunida- Bloque por Asturies - Los Verdes, pela so parte, tien pendiente rematar les llistes de cinco conceyos, ente ellos Somiedu, Caravia y Peñamellera Alta.


Socialistes, populares y IX-BA-LV van ser les úniques fuerces que yá anunciaron que van presentase nos 78 conceyos s asturianos, mientres qu'otres formaciones como la entovía nun pesllaron el númberu de candidatures que van presentar. La coalición Unión Asturianista (PAS-URAS) va facer públicos tolos sos candidatos el próximu sábadu 21 d'abril nun actu que va tener llugar nel Hotel AC, asitiáu na Plaza de los Ferroviarios d'Uviéu. La coalición d'izquierda nacionalista "Unidá", pela so parte, lleva presentando a lo llargo de los últimos díes a los sos candidatos y cuenta con poner llistes en cerca de venti conceyos.