A la venta les entraes pal conciertu de Marisa Valle Roso en La Felguera

|
Marisa Valle Roso pa web

Va celebrase'l 28 d'abril nel Centru Deportivu Juan Carlos Beiro y forma parte de la xira 'Consciente' de la cantante llangreana.

Marisa Valle Roso, que ta acabante de llevar el Premiu AMAS al Meyor Cantar Folk por 'Cómplices', yá tien a la venta les entraes pal so conciertu próximu n'Asturies. Tres presentar 'Consciente' en Madrid y Xixón, y actuar en San Vicente de la Barquera, l'artista tien previstes trés feches nos dos meses próximos: Barcelona (18 de marzu, Centre Artesà Tradicionárius), Verín (14 d'abril, Auditoriu) y La Felguera (28 d'abril).

El conciertu no que ye'l so conceyu de nacencia va ser bien especial, como demuestra la escoyeta del llugar pa la so celebración. El Centru Deportivu Juan Carlos Beiro permite un aforu grande y la espectación en Llangréu pa esta cita ye importante.

El preciu pa ver a Marisa Valle Roso ye de 14 euros en pista y de 12 en grada o pa movilidá reducida, si la merca ye anticipada, y de 18 y 16, na puerta. Sicasí, hai una ufierta pa los primeros 400 tickets, con un preciu de 10 y 8 euros.

Les entraes tán a la venta na web de la cantante y na Casa Cultura de Sama.

Contador Estadistiques