A la música tradicional lléga-y el San Martín

Na fiesta de San Martín de Morea d'Ayer la música
asturiana tien abonda presencia, con tres díes de conciertos y folixa alredor de
la cultura tradicional.

Va bien d'años que na fiesta de San Martín de Morea
tienen en cuenta la música tradicional a la hora de programar les
actividaes. "Tocando pelos Pueblos" ye'l primer
conciertu que vamos poder ver pal día 8 de payares a partir de les 20:30,
nel nuevu auditoriu "Cine Carmen" que va estrenáse con esti
conciertu. Nel mesmu van tocar "Andecha folclor d'Uviéu", qu'espublicen discu pa esta navidá, "Criatura Verda" grupu de
música tradicional catalana y pa rematar "Lautari", un grupu d'aragoneses
que faen música balcánico. Esta actividá de "Tocando
pelos Pueblos" entámala la sociedá "Humanitarios de San
Martín", entidá que nació a primeros del sieglu XX y
que lleva abondos años desenvolviendo actividaes benéfiques y
trabayando pola defensa de la cultura tradicional asturiana.

El domingu nel mesmu sitiu pero a les 20:00 actuen "La
Bandina", "El Coru d'Humanitaros de San Martín" y Mari
Luz Cristobal Caunedo. Y el llunes la fiesta entama ya de mañana,
con bandes de gaites, grupos de baille, y milenta músicos pa facer una romería asturiana de les de tola vida. Pela tarde a les 20:00 na plaza de
Morea acaben les fiestes cola actuación de "La Vierbene",
bandina que tien componentes de los "Ciquitrinos" y d'otros grupos que
pudimos escuchar nel discu "Nueva Xeneración Folk". Pieslla l'actuación"La
Bandina", que que repiten na fiesta ayerana. Namás falta esti añu "La Viga Travesá"
banda que dirixer Santi Caleya, que nun va poder actuar como
avezaben a facer tolos años. Sicasí la banda, que tuvo parada esti branu, va volver
al tayu d'equí a poco, y nun dexa de ser una alegría qu'una banda que se tenía nel
so tiempu ente les meyores d'Asturies, siga trabayando
por munchu tiempu.