A la gueta'l "Kraken"

Acabó ayeri la misión en Carrandi del barcu explorador de Transglobe Films, que lleva estes dos selmanes enfrente de Colunga a la gueta d'imáxenes de los calamares xigantes que se dan p'aquella parte. Col equipu de grabación más modernu, la espedición fletada pola productora Transglobe Films volvió a puertu con munches hores de grabación que tendrán agora que visionar y peñerar pa saber si algamaron l'oxetivu de la espedición: grabar por primer vez nel mundu al Architeutis, el cefalópodu más grande del mundu, del que van apaeciendo bien d'exemplares d'unos años p'acá na costa asturiana, que ye ún de los llugares favoritos d'esta especie que vive a munchos metros baxo la mar. En casu de que nun lleguen a grabar al calamar, les hores y hores de trabayu rentarán-y lo mesmo a la productora de documentales, que tendrá un material pistonudu sobre la fauna abisal p'aprovechalo n'otres películes.Estos animales dieron llugar a la lleenda nórdica del Kraken la bestia marina, que ye de la que tomó'l nome la espedición. El Cepesma, que guarda tolos especímenes según van apaeciendo, enseña nel so web delles coses interesantes sobre esta especie, pero pa ver el diariu d'a bordu de lo que pasó estos quince díes en Carrandi pues ver el web oficial de la espedición