'A la gueta la cadarma', xuegu nuevu pa deprender los güesos del cuerpu

¿Sabes lo que ye l'espinazu? ¿Y ónde ta'l fémur? Agora pues poner a prueba los tos conocimientos con 'A la gueta la cadarma', el xuegu nuevu de 'A la Gueta los Suaños' col que vas deprender ónde tán asitiaos tolos güesos del cuerpu.

La nuesa seición de 'Xuegos', una de les más ésitu de la estaya infantil d'Asturies.com, incorpora un retu nuevu pa la reciella –y tamién pa los mayores–. Trátase de 'A la gueta la cadarma', onde vas tener que señalar nel dibuxu d'una cadarma los güesos que te vayan saliendo. En total son diez entrugues y el to oxetivu ye completales toes con aciertu.   

Amás de 'A la gueta la cadarma', tamién vas poder siguir divirtiéndote colos otros xuegos prestosos que t'ufrimos en 'A la gueta los sueños', como 'A la gueta la pallabra', '¿Conoces Asturies' o 'A la gueta los planetes', ente otros munchos.