A la cola de la "España verde"

Los datos del Institutu Nacional d'Estadística pal pasáu mes de xineru ponen a Asturies como la última en nivel d'ocupación hotelera dientro de les cuatro comunidaes de la marca "España verde". Galicia, col 17,76%, Cantabria, col 20,10% y sobremanera Euskadi, col 31,86%, tuvieron índices más curiosos que'l nuestru, que foi del 16,2%. Los datos del Serviciu d'Información Turística del Principáu son dalgo más optimistes, anunciando una tasa d'ocupación del 17,5%. Llama l'atención que casi nun haya diferiencia ente les pernoctaciones per selmana y en fin de selmana, y tamién ye noticia que'l turismu rural siga ensin levantar cabeza, con una tasa d'ocupación de namás el 7,4%.