6 meses del 11 de setiembre

Cúmplense güei seyes meses de los históricos ataques a Nueva York y Washington. En conmemoración, nel llugar onde se llevantaben les torres va inaugurase esta nueche un proyectu artísticu que consiste en dos turruxones de lluz semeyando la figura de les torres. La idega vieno de la Municipal Art Society, y, como nun podía ser d'otra manera tratándose de cultura americana, ye grandona a más nun poder, baste con dicir que pa facer les torres de lluz necesítense dos bateríes de 44 focos con 7.000 watios de potencia caún.La data ta valiendo tamién pa que los medios de comunicación faigan reportaxes nuevos con más datos sobre la que foi la noticia del añu 2.001. Equí podremos ver l'especial qu'anuncia Tele5 con material inédito grabao dientro les torres, un material que yá vieron n'América, onde la xente ta escandalizao pol documental qu'echó la CBS presentáu por Robert de Niro. Quien quiera remembrar les portades de los medios d'aquellos díes, pue echá-y una güeyada al archivu de webs del 11-s

Contador Estadistiques