54.284 asturianos despidieron l'añu nel paru

La web del SADEI recueye los datos del paru n'Asturies nel últimu mes del añu 2.002, que dan un total de 54.284 persones apuntaes a la llista de demandantes d'emplegu a 31 d'avientu, 1.448 más que nel mes de payares y 2.948 más que n'avientu del 2.001. Teniendo en cuenta que quedaron en paru nel estáu 10.100 persones nesti mes, resulta qu'Asturies cargó col 14% de la xuba del desemplegu español n'avientu. En cuantes a contratos, firmáronse 18.859 nuevos, que son 2.625 menos que en payares, siendo d'ellos temporales el 93%. La estadística diz tamién que, a lo llargo'l 2.002, el desequlibriu ente'l paru por sexos tendió a equilibrase un poco, siendo anguaño'l 39% de los paraos paisanos y el 61% muyeres.