500 vecinos de Nava reclamen que s'indique'l Muséu de la Sidra na A-64

Les firmes recoyíes ente ochobre y payares entregáronse esti llunes nel Rexistru.

Luis Catalán, conceyal d'Agora Nava, acudió a Uviéu acompañáu de de la covocera d'EQUO Asturies, Olga Álvarez, y de la diputada na Xunta Xeneral de Podemos, Paula Valero, a rexistrar a la Direición Xeneral de Comerciu y Turismu la solicitú "pa que se modifiquen las señales previes a la salida 14 de la Autopista del Cantábrico en direición a la carretera N634 pa señalar como un posible destín d'esta vía'l Muséu de la Sidra de Nava". La solicitú foi acompañada de les 500 firmas que se recoyeron nel conceyu ente ochobre y payares sofitando esta demanda.

Énte la falta d'interés de l'Alministración, foron los propios vecinos los que, de forma individual, incorporaron una pegatina al indicador esistente, que marca Cangues d'Onís y Cuadonga, señalando tamién el Muséu de la Sidra. Esta instalación ta viviendo problemes pa la so sobrevivencia nos años últimos y cola instalación d'esti cartelu preténdese atrayer más visites al recintu y al propiu conceyu, solucionando al empar un déficit na propaganda d'esti guapu muséu dedicáu a la bébora nacional.

Na semeya, Valero, Catalán y Álvarez.