500 millones d’euros pa l’autovía a Ponferrada

El presidente asturianu Vicente Álvarez Areces y el del Gobiernu español José Luis Rodríguez Zapatero tuvieron ayeri una reunión na qu'apautaron que la parte asturiana de l'autovía ente La Espina y Ponferrada va contar con 500 millones d'euros de financiación con cargu a los fondos de cohexón que va apurrir la Unión Europea nel periodu 2007-2013. L'autovía ente La Espina y Ponferrada va tener alredor de 123 kilómetros y va ser autovía hasta llegar a Cangas, onde va tener que pasar pel parque natural de les fontes del Narcea, polo que va a considerase nesi tramu "vía verde".

L'anuncia del Presidente del Gobiernu sobre esta vía de comunicación nun foila única que salió de la xunta d'ayeri ente los dos presidentes. Ello ye que l'alministración central tamién comprometió otros 77 millones d'euros pa les obres d'ampliación del Puertu d'Avilés, onde tamién va cofinanciase ente estáu y comunidá autónoma'l desanicie de la barrera ferroviaria que faen les víes de Renfe y Feve na mesma ría avilesina.