40.000 asturianos más tendrán accesu a internet

Pelos pueblos d'Asturies hai más de 40.000 teléfonos tipu "TRAC" basaos en llínies telefóniques celulares que nun dexen entrar a la rede internet a los sos usuarios. Estes llinies, que foron un adelantu de la que se punxeron a primeros de los 90, tan condenaes a desapaecer por orde ministerial qu'obliga a Telefónica a sustituyiles por otres llinies modernes. Ello ye que la compañía que caltién de fechu'l monopoliu en comunicaciones telefóniques viose obligada a sacar a concursu estes llínies a resultes de la declaración gubernamental d'Internet como servicio universal. El plazu pa presentar ufiertes al concursu remata güei, lo que supón que va acelerase'l procesu de sustitución d'estes llinies, que llevaba años esperándose por ello. La fecha tope que marca'l concursu pa
que tengan accesu a internet tolos usuarios de TRAC ye'l 31 d'Avientu del 2004.

Evidentemente, andar cambiando estes llínies nun ye negociu pa les empreses particulares, pero cuéntase con que'l concursu nun quede desiertu gracies a les subvenciones con cargu a los planes de desarrollu rural Proder y Feder que va haber pa quien gane la contrata.