3,6 millones pa conceyos y parroquies pa financiar inversiones en materia de desarrollu rural

La partida mayor, 2,5 millones d'euros, destínase a la execución d'infraestructures pa la prevención y defensa contra quemes.

El Conseyu de Gobiernu aprobó ayeri destinar 3.595.000 n'ayudes a entidaes llocales pa financiar inversiones en materia forestal, de ganadería, agroalimentación y recursos naturales. D'esta forma preente sofitar l’esfuerciu inversor y de caltenimientu de los conceyos y parroquies rurales pa caltener el mediu ambiente, prevenir les quemes forestales, protexer el paisaxe y entamar feries y otros eventos que promuevan la producción de productos agroalimentarios y ganaderos de calidá.

La cantidá destinada a la ordenación y desenvolvimientu del monte ye de 700.000 euros, mentes que 115.000 euros van pa l'entamu de certámenes de productos agroalimentarios y 80.000 pa ganaderos. El restu, hasta llegar a los 3,6 millones, son pa caltenimientu y meyora d'espacios naturales (200.000) y la execución d'infraestructures pa la prevención y defensa contra quemes (2,5 millones).

Esta partida tiene caráuter pluriañal, esto ye, pa los años 2016 y 2017.