La Conseyería de Salú confirmó güei 32 nuevos casos positivos de coronavirus, trelce de los cualos tán rellacionaos colos biltos declaraos en Llanes y nun bar de Xixón.
El biltu de los establecimientos de La Terraza de Laura y l'escuela de surf Skull, en Llanes, suma 17 afectaos, en detectándose 11 nuevos contaxos. Pela so parte, dos nuevos positivos alcen a 23 el númberu de persones afectaes del bar xixonés La Buena Vida.
Amás, confírmase un biltu na Residencia Villamil-Serantes, en Tapia, pol positivu d'unu de los usuarios. Esta tarde va dar en realizar pruebes PCR a tolos residentes y trabayadores.
Per otru llau, otros 10 positivos nuevos son contactos estrechos de casos conocíos, que yá taben n'aislamientu.
El Serviciu de Vixilancia Epidemiolóxica ta estudiando otros ocho casos correspondientes a les árees sanitaries I (Xarrio), IV (Uviéu) y V (Xixón) pa establecer el so venceyu epidemiolóxicu.
Los contaxaos presenten síntomes leves y permanecen n'aislamientu nes sos cases.