2800 usuarios del corréu asturianu

Dende qu'Asturies.com echó a andar, el nuestru portal ufierta un serviciu de redireccionamientu que permite convertir cualquier dirección de corréu electrónicu que se tenga al dominiu asturies.org, colo que cualquier persona pue identificase como asturianu o asturiana al través de la dirección d'e-mail, que queda configurada como (nome)@asturies.org. Ello ye que dende que s'entamó con esti serviciu, que ye de baldre dafechu, yá son 2.800 los usuarios y usuaries d'estes redirecciones, que siguen siendo ún de los servicios más solicitaos n'Asturies.com.