260 neños saḥarauis van pasar les vacaciones n'Asturies

|

Los aviones procedentes d'Arxelia aporten al país el martes y el xueves

Son centenares les families asturianes que vienen dende hai años participando na iniciativa Vacaciones en Paz qu'entama l'Asociación Asturiana de Solidaridad con el Pueblo Saharaui y que permite a estos neños y neñes dexar atrás les condiciones precaries de vida nos campamentos de refuxaos astitiaos en territoriu arxelín por mor de la ocupación de Marruecos del territoriu saḥaraui y disfrutar asina de dos meses de vacaciones xunto coles sos hermanos y hermanes adoptives asturianes. En total son 260 los neños y neñes que van viaxar a Asturies nesta ocasión.

Los aviones aterrizarán en Santiago'l Monte a les 8.45 hores, pa depués treslladar a los pequeños al Centru Municipal Los Canapes n'Avilés, sobre les 10 hores, "onde munches persones van tar con ganes infinites y ilusión pa recibilos". L'Asociación Asturiana de Solidaridad con el Pueblo Saharaui lleva trabayando mientres meses "p'articular families asturianes solidaries que dean la posibilidá a la población infantil saḥaraui de pasar dos meses na nuesa tierra onde disfrutar, compartir, difundir la causa saḥaraui y ser atendíos por distintos profesionales de la salú".

Contador Estadistiques