26 escueles cuenten con tol alumnáu matriculáu en Llingua Asturiana y otres 59 superen el 75 por cientu

Un total de 26 centros de Primaria del país cuente con tol alumnáu matriculáu en Llingua Asturiana y Lliteratura, mentes qu’otros 59 tienen cifres superiores al 75 por cientu. ‘Reciella. Families pol Asturianu’ entrega a los primeros el ‘Reconocimientu d’oru’ pa llucir na entrada de la escuela, y a los segundos el de plata.

“Anque la matriculación na asignatura, al ser voluntaria, depende de la decisión de les families, los claustros, equipos directivos y el bon llabor docente tienen muncho que dicir na visibilización, promoción, información y comunicación a les families de les ventayes y la importancia que tien pa los escolinos l’asignatura d’Asturianu, cumpliendo asina amás la llei vixente; tanto l’Estatutu d’Autonomía como la Llei d’Usu falen espresamente de que se promoverá dende les instituciones la enseñanza del asturianu, respetando la voluntariedá de les families”, recuerden dende l’asociación. Por ello, cola intención de valorar esti trabayu de los centros entreguen dende hai dos años estos reconocimientos, nel primeru en Xixón y, llueu, en toda Asturies. 

En comparanza colos datos del cursu pasáu, son más los colexos que reciben el reconocimientu de 'Escuela afayadiza', al pasar de 85 a 88. 26 d’ellos cuenten con tol alumnáu matriculáu en Llingua Asturiana y Lliteratura, ún menos que na 2017-2018, mentes los que rexistren un 75 por cientu o más pasen de 57 a 59.

Reciella tamién entrega ‘Menciones especiales’ a un total de 6 colexos concertaos por contar con una matriculación alta na materia “como forma d’estímulu y reconocientu, yá que munchos centros de titularidá concertada nun cumplen el mandáu estatutariu nesti puntu y en dalgunos inclusive inducen a les familias que quieren que los sos fíos cursen l’asignatura a que nun lo faigan”. Ente los reconocíos destaca’l Sagrada Familia, en L’Entregu, con un 100 por cien d’escolinos cursando Llingua Asturiana.

Centros reconocíos

Los 88 colexos que reciben mención nel cursu 2018-2019 son los siguientes:

Reconocimientu d’Oru

• Ayer: C.P.E.B. de Cabañaquinta, C.P. San Pedro, C.P. Felechosa, C.P. Santa Bárbara y C.R.A. Alto Aller-Santibañez.
• Miranda: C.P. Belmonte de Miranda, C.R.A. Río Cibea, C.R.A. Santana y C.R.A. Valle Naviego.
• Carreño: C.P. 'Logrezana' y C.P. 'Guimarán Valle'.
• Casu: C.P. El Truébanu.
• Colunga: C.P. 'Matemático Pedrayes'.
• Llangréu: C.P. Plácido Beltrán t C.P. 'Benjamín Mateo'.
• Llaviana: C.R.A. 'Alto Nalón' y C.P. Maximiliano Arboleya
• Ḷḷena: C.R.A. 'Lena' y C.R.A. 'Llanes Número Dos'.
• Mieres: C.P. Ablaña-Pereda  y C.P Villapendi.
• Proaza: C.P. Padre Nicolás Albuerne y C.P. El Coto.
• Siero: C.P. Cotayo.
• Tinéu: C.R.A. 'Gera-Cuarto de los Valles'.
• Samartín del Rei Aurelio: Sagrada Familia.

Reconocimientu de Plata

• Ayer: C.R.A. 'Maestro Don José Antonio Robles' (93,67 por cientu), C.P. 'Virgen de las Mareas' (95), C.P. 'Marcos Torniello (84,96),  C.P. La Carriona-Miranda (96,88) y
• C.P. Llaranes (92,63).
• Avilés: Santo Tomás (85).
• Bimenes: C.P. Martimporra (87,04).
• Cabrales: C.P.E.B. Arenas (75,90).
• Candamu: C.P. Prieto Bances (92,86).
• Cangas: C.R.A. Santarbás (86,67) y C.P. Rengos (83,33).
• Castrillón: C.P. Castillo de Gauzón (81,43) y C.R.A. Castrillón-Illas (93,14).
• Corvera: C.P. Francisco Fernández González (79,41)
• Cuideiru: C.P. Asturamérica (75,53) y  C.P. 'Nuestra Señora de la Humildad' (73,77).
• Xixón: C.P. Honesto Batalón (81,54), C.P. Antonio Machado (76,45), C.P. Santa Olaya (87,66) y C.P. Montiana (85,19).
• Gozón C.R.A. Cabu Peñes (79,07),  C.P. La Canal (83,75),  C.P. Benedicto Bembibre Torre (78,64), C.P. La Llamiella (79,41) y C.P. Regino Menéndez Antuña (88,89).
• Les Regueres: C.P. 'Príncipe de Asturias' (90,63).
• Llena: C.P. Jesús Neira (92,97).
• Llanes: CP Nueva (82,14) y C.R.A. 'Llanes Número Uno' (88,37).
• Mieres: C.P. 'Las Vegas' (80,95), C.P. Vega de Guceo (98,96), C.P. 'Liceo Mierense' (85,86), C.P. Teodoro Cuesta (86,76), C.P. Santiago Apostol (93,88), C.P. Llerón-Clarín (76,67), CP 'Rioturbio' (95,45), C.P. 'Santa Eulalia' (95,56) y Lastra (80,21).
• Muros: C.P. Maestra Humbelina Alonso Carreño (88,24).
• Nava: C.R.A. La Coroña (93,85).
• Onís: C.R.A. 'Picos de Europa' (94,59).
• Uviéu: C.P. 'Tudela de Veguín' (80,95).
• Pravia: C.P. 'Santa Eulalia de Mérida' y C.R.A. 'Bajo Nalón' (92).
• Riosa: C.P. Alcalde Prospero Martínez Suárez (83,72).
• Salas: C.R.A. Eugenia Astur- La Espina' (83,33) y C.P. Chamberí (83,70).
• Samartín del Rei Aurelio: C.P. El Parque (88,36), C.P. El Bosquín (99,57),  C.R.A. 'San Martín' (88,89) y C.P. 'Rey Aurelio' (86,57).
• Sariegu: C.P. Salvador Vega Berros (94,44).
• Siero: C.P. 'Carbayín Bajo' (85,71), C.P. Xentiquina (83,82), C.R.A Viella (87,16) y C.P. Gloria Rodríguez (89,01).
• Teberga: C.P. La Plaza (83,33) y  C.P.E.B. Príncipe Felipe (95,45).
• Villaviciosa: C.R.A. La Marina (79,20).

Mención Especial (centros concertaos y privaos)

• Avilés: Santa Luisa de Marillac (68,61 por cientu) y Santo Tomás (85,00).
• Xixón: Patronato San José (63,10).
• Mieres: Lastra (80,21).
• Uviéu: Sagrada Familia (65,52).
• Samartín del Rei Aurelio: Sagrada Familia (100).