25-P: #YoTamién contra les violencies machistes

Esti sábadu, 25 de payares, ye'l Día Internacional del Desaniciu de la Violencia contra la Muyer. Uviéu acueye una manifestación dende les 12.30 hores.

La Plataforma Feminista d'Asturies convoca esta marcha que va salir del Teatru Campoamor y que se suma a la campaña #YoTamién (#YoTambién en castellanu), activa anguaño en redes sociales, col oxetivu de denunciar y visibilizar les violencies machistes. Asina, anima a les y los asistentes a qu'acudan con un cartelu nel que rellate una o delles situaciones de violencia que sufrieren na so vida xunto cola etiqueta #YoTamién.

Tres percorrer les cais d'Uviéu y escolingar mensaxes en delles estatues de la ciudá, van dexase tolos cartelos espuestos pa que los puedan visibilizar tolos ciudadanos. Esta aición entámase con motivu del 25 payares, Día Internacional del Desaniciu de la Violencia contra la Muyer, fecha na que se recuerda dende'l 1981 l'asesinatu de trés hermanes activistes polítiques, les Mirabal, nel 1960 na República Dominicana de Trujillo.